Аб дзейнасці арганізацыі па правядзенні абавязковага страхавання
Аб дзейнасці арганізацыі па правядзенні абавязковага страхавання грамадзянскай адказнасці юрыдычных асоб і індывідуальных прадпрымальнікаў за шкоду, прычыненую дзейнасцю, звязанай з эксплуатацыяй асобных аб’ектаў, трымала справаздачу дырэктар прадстаўніцтва Белдзяржстраху па Лепельскім раёне А. Вашкевіч. Адзначана, што летась паступілі страхавыя ўзносы ў суме 392,8 млн руб., з пачатку 2016-га — 67,7 млн. Узровень ахопу страхаваннем склаў 82 працэнты.
На жаль, не ўсе суб’екты гаспадарання заключылі ў поўным аб’ёме дагаворы падобнага страхавання, у іх ліку філіял СВП «Пражэктар» ААТ «Віцебскхлебпрам», ААТ «Чарэйшчына», ААТ «Лядна», дзяржаўная прыродаахоўная ўстанова «Бярэзінскі біясферны запаведнік» і шэраг іншых.
На пасяджэнні мясцовага органа ўлады акрэслены шляхі выпраўлення хібаў.