Авария произошла на трассе Минск — Витебск

 Аварыя адбылася на трасе Мінск — Віцебск непадалёк ад вёскі Старое Лядна. З боку Мінска ехаў грузавы аўтамабіль “Рэно” з прычэпам. Насустрач яму рухаўся легкавы “Форд Гэлаксі”. Паводле адной з папярэдніх версій падзеі развіваліся наступным чынам. Перад сутыкненнем вадзіцель легкавіка ўзяўся за мабільны тэлефон, стаў там штосьці шукаць. У гэтым месцы дарога робіць плаўны паварот управа, кіроўца не заўважыў, як выехаў на паласу сустрэчнага руху, проста пад колы грузавіка.
 Хоць ў апошні момант і спрабавалі адрэагаваць, але ўдару пазбегнуць не змаглі. Сутыкненне было настолькі моцным, што вадзіцеля з “Форда” давялося вызваляць з дапамогай спецінструмента. У далейшым ён з траўмамі быў дастаўлены ў раённую бальніцу.
У “Рэно” ад удару было прабіта левае пярэдняе кола. Машыну сходу пацягнула ўлева, на паласу сустрэчнага руху. На шчасце, там на той момант больш транспарту не было. Прамінуўшы асфальт і абочыну, грузавая машына з прычэпам спынілася пад адхонам. На шчасце, яна не лягла на бок. Пасля непрацяглага рамонту тэхніка можа далей эксплуатавацца. Чаго ніяк не скажаш пра “Форд”.
Васіль МАТЫРКА.
На здымках: грузавая машына з прычэпам у кювеце.
Фота аўтара.