Автомобиль восстановлению не подлежит

27 ліпеня а 16.23 на цэнтральны пост РАНС паступіла паведамленне аб пажары ў прыватным сектары на вуліцы Чапаева. Першая машына прыбыла на месца ў 16.27.
Гарэў гараж, дакладней легкавая машына ў ім. Паводле папярэдне атрыманай інфармацыі, падзеі развіваліся наступным чынам. Мужчына па просьбе сябра займаўся рамонтам яго аўтамабіля ВАЗ-21099, праводзіў зварачныя работы. У нейкі момант кроплі расплаўленага металу трапілі на сядзенні. Загарэўся паралон, які не змаглі затушыць.
Пажар быў ліквідаваны ў 16.39. Гараж моцна пацярпеў, будынку патрабуецца капітальны рамонт, аўтамабіль аднаўленню не падлягае.
Аляксандр САДОЎСКІ,
інспектар групы прапаганды і навучання РАНС,
капітан унутранай службы.