Быстрые шаги в развитии района
Ідэалагічная работа
У сваім выступленні Міхаіл Леанідавіч падрабязна расказаў аб паспяховым развіцці раёна. Мы можам па праве ганарыцца поспехамі, дасягнутымі ў розных галінах народнай гаспадаркі. Высокіх паказчыкаў сёлета ўдалося дасягнуць у сельскай гаспадарцы – валавая вытворчасць малака за чатыры месяцы склала 8, 5 тысячы тон, а ўдой на карову – 1454 кілаграмы. Філіялам «Лепельскі МКК» ААТ «Віцебскі мясакамбінат» рэалізаваны інвестыцыйны праект «Будаўніцтва артэзіянскіх свідравін для рэзервнага водазабеспячэння з частковай мадэрнізацыяй сістэмы водаспажывання, якая існуе».
Значная ўвага ў раёне ўдзяляецца і развіццю сферы паслуг. ТАА «Еўрагандаль» па вуліцы Чуйкова ў г. Лепелі адкрыты гандлёвы аб’ект «Еўраопт» плошчай 660 квадратных метраў. ТАА «Чашнікі Прадмаркет» у г. Лепелі па вуліцы Дэпоўская адкрыты магазін «ДЭПО» гандлёвай плошчай 1367, 3 квадратнага метра. Сустракае пакупнікоў магазін «Кармы» гандлёвай плошчай 55,6 квадратнага метра (ТАА «Экамол»). Жыхары раёна маюць магчымасць правесці вольны час у міні-кафэ «Сушы-Дом» на 4 пасадачныя месцы ў г. Лепелі па вуліцы Будзённага, д.12 (ТАА «КИАНОЛ»). Індывідуальнымі прадпрымальнікамі Аленай Касцюковіч і Наталляй Касцюковіч па вуліцы Будзённага г.Лепеля адкрыты магазін «8 Марта» гандлёвай плошчай 87 квадратных метраў. У першыя дні жніўня жыхары раёна змогуць наведаць новы гандлёвы аб’ект – «Санта Рытэйл» – па вуліцы Войкава, д.122а ў г. Лепель.
Важкія напрацоўкі раён мае і ў галіне вытворчасці. ААТ «Лепельскі рамонтна-механічны завод» праведзена падрыхтоўка і пастаўлена на вытворчасць дзесяць найменняў зубчатых колаў для ААТ «МЗШ».
Вялікая работа вядзецца па ўмацаванні матэрыяльна-тэхнічнай базы медыцынскіх устаноў. Праведзена мадэрнізацыя аддзялення хуткай медыцынскай дапамогі ўстановы аховы здароўя «Лепельская цэнтральная раённая бальніца».
Значныя поспехі дасягнуты і ў іншых сферах. Лепельскім раёнам газазабеспячэння філіяла ВУ «Чашнікігаз» пабудавана 7, 9 кіламетра газаправода. Лепельскі ўчастак электрычнай сувязі Глыбоцкага ЗВЭС заняў трэцяе месца па выніках агляду-конкурсу на лепшы куток па ахове працы ў РУП «Белтэлекам». Працягваецца рэалізацыя праекта КУП ДРАЦ «Жамчужына» «Спальны корпус на 166 месцаў у в.Бароўка Лепельскага раёна». Лепельскім раёнам газазабеспячэння ВУ «Чашнікігаз» у вёсцы Стары Лепель уведзены аб’ект «Размеркавальныя сеткі для пераводу на прыродны газ у в. Стары Лепель Лепельскага раёна» агульнай працягласцю 5, 6 кіламетра.
Установа адукацыі «Лепельскі аграрна-тэхнічны каледж» заняла другое месца ў абласным этапе рэспубліканскага агляду «Інфармацыйныя тэхналогіі ў прафадукацыі». ДЛГУ «Лепельскі лясгас» уведзены ў эксплуатацыю навес для захоўвання піламатэрыялаў плошчай 648 квадратных метраў. Адкрыта пляцоўка па міні-футболе на тэрыторыі ДУА «Сярэдняя школа №3 г. Лепеля». ФК «Лепель» заняў трэцяе месца ў чэмпіянаце Віцебскай вобласці па міні-футболе. Мікіта Старавойтаў, навучэнец СУСУ «Дзяржаўная дзіцяча-юнацкая спартыўная школа алімпійскага рэзерву», заняў першае месца ў першынстве Рэспублікі Беларусь па дзюдо. Да 75-годзя перамогі ў Вялікай Айчыннай вайне выдадзена кніга дырэктара раённага краязнаўчага музея Аліны Стэльмах і кандыдата гістарычных навук дацэнта Галіны Якаўлевай «Лепельскае мінамётнае вучылішча». У цяперашні час кніга друкуецца. Вучань дзяржаўнай установы адукацыі «Сярэдняя школа №1 г. Лепеля» Арцём Пшанко ўзнагароджаны дыпломам I ступені на XIII Міжнароднай маладзёжнай навукова-практычнай канферэнцыі «Вялікая Айчынная вайна» 1941 – 1945 гадоў у гістарычнай памяці народа» і сертыфікатам за ўдзел у Міжнароднай канферэнцыі навукова-даследчага грамадства навучэнцаў «Вялікая Перамога: спадчына і памяць», прысвечанай 75-годдзю Перамогі ў Вялікай Айчыннай вайне. Навучэнка ДУА «Старалепельская базавая школа Лепельскага раёна» Вераніка Пыхціна ўзнагароджана дыпломам I ступені ў рэспубліканскіх спаборніцтвах па зімнім шматбор’і «Здароўе». Яраслаў Тухта і Анастасія Піскунова, вучні Слабадской ясляў-сада – сярэдняй школы Лепельскага раёна, атрымалі дыплом I ступені ў рэспубліканскім конкурсе «Скарбонка краязнаўчых знаходак». Заключана дамова аб супрацоўніцтве з Навуменскай музычнай і мастацкай школай (п. Ірауя Даўгапілскага краю Латвійскай Рэспублікі). Майстру народных рамёстваў Наталлі Петуховай уручана Падзяка дзяржаўнай установы «Прэзідэнцкая бібліятэка Рэспублікі Беларусь» за ўдзел у мастацкай выставе «Лялька беларуская. Знаёмая незнаёмка». Шматлікія дасягненні раёна можна пералічваць яшчэ доўга. Значныя поспехі – гэта яскравы доказ таго, што ў раёне шмат выдатных спецыялістаў, перадавых работнікаў, якія не аднойчы праславяць Лепельшчыну не толькі на рэспубліканскім, а і на міжнародным узроўнях.
Пасля выступлення Міхаіла Кісялевіча работнікі філіяла «Лепельводаканал» атрымалі магчымасць звярнуцца да яго з набалелымі пытаннямі.
– Хацелася б даведацца, куды трэба звяртацца маладой сям’і для таго, каб палепшыць умовы жылля?
– Для гэтага трэба звярнуцца ў аддзел архітэктуры і будаўніцтва, жыллёва-камунальнай гаспадаркі райвыканкама.
– У нашай сям’і расце двое дзяцей. У чарзе на будаўніцтва жылля знаходзімся з 2010 года. У які час мы зможам пабудаваць уласную кватэру?
– У 2019 годзе за лік усіх крыніц фінансавання ўведзена ў эксплуатацыю каля 15 тысяч квадратных метраў жылля. Сіламі індывідуальных забудоўшчыкаў – каля сямі тысяч квадратных метраў. Уведзена ў эксплуатацыю тры шматкватэрныя жылыя дамы агульнай плошчай 7962 квадратныя метры жылля. Аднак у першую чаргу права на будаўніцтва кватэр маюць шматдзетныя сем’і. У кватэрах палепшылі свае жыллёвыя ўмовы 59 шматдзетных сем’яў, якім прадастаўлена 60 кватэр агульнай плошчай 2391, 44 квадратных метра пры заданні 50 сем’яў. Толькі пры ўмове поўнага забеспячэння жыллём шматдзетных сем’яў чарга будзе рухацца далей.
У гэты ж дзень інфармацыйна-прапагандысцкая група райвыканкама наведала працоўны калектыў КУВСГП «Лепельскае». Работнікі прадпрыемства звярнуліся да Міхаіла Кісялевіча з наступнымі пытаннямі:
— За кошт заработнай платы раней мы атрымлівалі тавар у магазіне «Універсам». Аднак пасля ўвядзення камп’ютарызаванага разліку гэта стала немагчымым. Работнікам КУВСГП «Лепельскае» для атрымання тавараў прапанавана звяртацца ў магазін «Прадукты» №25 (юбілейны). Аднак нам хацелася б атрымліваць тавары менавіта ва «Універсаме», дзе прадстаўлены іх больш шырокі асартымент.
– Пытанне ўзята на кантроль і будзе абавязкова разгледжана разам з кіраўніцтвам Лепельскага філіяла аблспажыўтаварыства.
– На вуліцы Маладзёжная ў аграгарадку Вялікі Поўсвіж неабходна правесці ямачны рамонт.
– Пытанне будзе вырашана ў бліжэйшы час, – паступіў канкрэтны адказ ад старшыні райвыканкама.