Цікава адзначылі ў запаведніку, што на Лепельшчыне, Міжнародны дзень снегу

 Цікава адзначылі ў запаведніку Міжнародны дзень снегу. Падрыхтавалі спецыяльную снежную горку, працавала выязная кухня, кіпеў самавар, і ахвотнікі маглі пачаставацца гарбатаю. На свяце было ўсё: палёты на мятле, экстрэмальнае катанне на санках, хакейная эстафета, перацягванне канату, лыжныя гонкі, гульня ў снежкі. Народны хор “Беразіначка” не толькі праспяваў народныя песні, але і арганізаваў майстар-клас па нацыянальных танцах.