Дачны крадзеж

 Жанчына пенсійнага ўзросту жыве пастаянна ў Новалукомлі, аднак у лепельскай вёсцы Атокі мае невялікую дачу. Там стаіць домік, дзе ёй прыемна бываць цёплай парой года. А вось на зіму ён замыкаецца, і жанчына едзе ў новалукомльскую кватэру. Так было і ў гэты раз. Восенню яна выехала з Атокаў, а ўвесну прыехала і была непрыемна здзіўлена і нават абурана: зладзюжка выставіў аконную раму, залез у дом, прыхапіў гаспадарчыя прылады. Агульная сума ўрону склала 350 тысяч рублёў. Заведзена крымінальная справа.