Нарыхтоўка другаснай сыравіны ў Лепельскім спажывецкім таварыстве

У студзені — верасні насельніцтвам здадзена ў прыёмныя пункты спажывецкай кааперацыі 854 тоны лому чорных металаў і 12,4 тоны — каляровых. Дзякуючы гэтаму мясцовыя жыхары змаглі папоўніць свае сямейныя бюджэты адпаведна на 112,5 і 23,5 тысячы рублёў.
Макулатура і шклабой — другасная сыравіна, якая вельмі запатрабаваная прамысловасцю. Яе збор не толькі паляпшае экалогію нашай мясцовасці, а і фінансава вельмі выгадны тым, хто займаецца гэтай карыснай справай. З пачатку года людзі прынеслі ў прыёмныя пункты раённага спажывецкага таварыства 252 тоны макулатуры і 64 тоны шклабою, атрымалі за гэта адпаведна 17,6 і 3,8 тысячы рублёў.