Дырэктарам школы ў Бароўцы, на Лепельшчыне, стаў шаснаццацігадовы падлетак
Каля дваццаці старшакласнікаў Бароўскай школы былі задзейнічаны пры правядзенні Дня дублёра, прымеркаванага да прафесійнага свята настаўніка. Быў арганізаваны Савет самакіравання.
Працавала служба аховы парадку, пасты якой выстаўлены на школьных паверхах, у вестыбюлі і г.д. Ахоўнікамі папрацавалі дзесяцікласнікі. Дырэктарам-дублёрам абралі вучня 11 класа Антона Кавалёва. Правялі інтэлектуальны брэйн-рынг з удзелам настаўнікаў і вучняў, паказалі настаўнікам канцэрт, па-святочнаму ўпрыгожылі настаўніцкі пакой.
Уладзімір МІХНО.
