Еще в конце января в Новых Волосовичах начался месячник патриотического воспитания

 Яшчэ напрыканцы студзеня ў Новых Валосавічах распачаўся месячнік патрыятычнага выхавання, які працягнецца амаль да канца лютага. У праграме месячніка інфармацыйныя гадзіны на тэмы юных герояў-антыфашыстаў, інтэрнацыянальнага абавязку і абароны Айчыны. У малодшых класах мясцовай школы юныя рыцары “скрыжавалі шпагі” ў рыцарскім турніры “Ану, хлопчыкі!”. Старэйшыя школьнікі паўдзельнічаюць у інтэлектуальнай гульні “Школа будучых абаронцаў Айчыны”. У планах таксама экскурсія ў сельскую бібліятэку на выставу “Ваня Кавалёў — юны герой Лепельшчыны”.