Оптыка-валаконныя лініі сілкуюць 13 шматкватэрнікаў, якасць тэлесігнала палепшылася ў разы

Глядзець тэлеперадачы старога аналагавага тэлебачання лепяльчанам цяпер не абавязкова. Раённы вузел электрычнай сувязі вядзе мантаж сучасных оптыка-валаконныя сетак, якія забяспечваюць высокую якасць і пашыраюць магчымасці ў аб’ёмах перадачы ў лічбавым фармаце інтэрактыўнага тэлебачання “Zala” і высокахуткаснага інтэрнэту. У Лепелі ўжо пабудаваны оптыка-валаконныя лініі да 13 шматкватэрных жылых дамоў з пераключэннем на іх выкарыстанне больш за 500 абанентаў. Асноўную частку такіх работ мяркуецца завяршыць у 2015-2016 гадах.