Індыйскія матывы ў лепельскім музеі
У раённым краязнаўчым музеі адкрылася выстава работ Святаслава Рэрыха. Прадстаўлены сямнаццаць карцін знакамітага мастака розных перыядаў творчасці. Яго называюць адным з найлепшых партрэтных майстроў дваццатага стагоддзя. Святаслаў Мікалаевіч доўга жыў у Індыі, таму яго работы маюць незвычайную колеравую гаму. Жанравыя сюжэты і жывая прырода Індыі адлюстроўваюць думкі аб лёсе чалавецтва. Напрыклад, знакаміты трыпціх ”Раскрыжаванае чалавецтва” быў завершаны ў першыя гады Другой сусветнай вайны. Цэнтральная тэма – чалавек сваімі ўчынкамі і дзеяннямі сам сябе распінае, пакуль ён не збавіцца ад свайго дрэннага “Я”. Выстава прадоўжыцца да дзясятага красавіка.
