Карціны малююцца не толькі пэндзлем, але і іголкай
Выстава вышываных карцін адбылася ў цэнтральнай раённай бібліятэцы. Экспанаваліся дзевяць работ настаўніцы Старалепельскай базавай школы Святланы Тухта. Гэта першая выстава майстра ў бібліятэцы, якой Святлана Іванаўна з’яўляецца пастаянным наведвальнікам, чытачом, сябрам, актыўным удзельнікам розных мерапрыемстваў. Вышывае майстар прыроду, нацюрморты, нават людзей. Выставу наведалі ўдзельнікі клуба “Добрыя сустрэчы”, калегі па працы, іншыя чытачы бібліятэкі.