Лебеди-пешеходы на улице Соловьева в Лепеле

У раённую інспекцыю прыродных рэсурсаў і аховы навакольнага асяроддзя патэлефанавала ўзрушаная жанчына, што па вуліцы Салаўёва ідзе сям’я лебедзяў. Хоць транспартныя сродкі і аб’язджаюць жывёлін, але ўсё роўна вельмі трывожна за іх.
Начальнік інспекцыі Вольга Бажэнава разам з галоўным спецыялістам Аляксандрам Цімафеевым адразу накіраваліся на месца. Сапраўды, сям’я з шасці асобін ішла па дарозе ў бок возера. Ахоўнікі прыроды праводзілі птушак да вады і са спакоем у сэрцы вярнуліся на працоўнае месца.