Лепельскі спартсмен Сцяпан Папоў атрымае дыплом Fair-play за жэст справядлівай барацьбы
Лепельскі спартсмен Сцяпан Папоў атрымае дыплом Fair-play за жэст справядлівай барацьбы. Кандыдатуру знакамітага самбіста вылучыў Нацыянальны алімпійскі камітэт Беларусі пры падтрымцы Міжнароднай федэрацыі самба і Беларускай асацыяцыі спартыўнай прэсы. Гэты жэст Сцяпан прадэманстраваў у фінале Першых Еўрапейскіх гульняў у паядынку супраць азербайджанца Аміла Гасімава, калі дапамог саперніку пакінуць спартыўную пляцоўку. У гісторыі беларускага спорту толькі два спартсмены былі адзначаны падобным чынам: трохразовы алімпійскі чэмпіён па вольнай барацьбе Аляксандр Мядзведзь і чэмпіён Еўропы па настольным тэнісе Уладзімір Самсонаў. Сцяпан Папоў стане трэцім у ганаровым спісе. Узнагароджанне адбудзецца ў венгерскім Будапешце ў кастрычніку на спецыяльнай цырымоніі.
