Лепельский район на седьмом месте в республике

Ці шмат мы ведаем пра свінагадоўчы комплекс у вёсцы Дражна? Алена Жарнасек і Вільгельма Сімака (на здымку) увесь працэс ведаюць выдатна, бо самі на комплексе і працуюць.
Праца ў жывёлагадоўлі — адна з самых цяжкіх, бо няма ў ёй ні выхадных, ні святаў. Пры любой сітуацыі кароў і свіней трэба карміць, даглядаць. Алена Аляксандраўна і Вільгельма Васільеўна кожны дзень з раніцы спяшаюцца на працу, бо пад доглядам кожнай жанчыны — дзясяткі галоў. Заўважыўшы сваю гаспадыню, свінкі радасна рохкаюць, ведаюць, што зараз ім падсыпяць любімага камбікорму. Шчыруюць работніцы да вечара, бо ў рэжыме закрытага вытворчага цыклу з комплекса нельга выходзіць ні на хвілінку, а пасля працы спяшаюцца яны дадому.
На працягу доўгага часу ў пагалоўі, якое даглядаюць жанчыны-перадавікі, амаль няма падзяжу, а прывагі — рэкордныя. Менавіта дзякуючы працы Алены Аляксандраўны, Вільгельмы Васільеўны і іх калег Лепельскі раён цвёрда займае сёмае месца ў рэспубліцы па прывагах свінапагалоўя.
Тэкст і фота
В. МАТЫРКІ.