Мальчик получил ожоги

Восьмага ліпеня ў 14.25 у дзяжурную часць РАНС паступіла паведамленне аб атрыманні апёкаў непаўналетнім дзіцём у вёсцы Камень. На месцы былі высветлены наступныя абставіны. Хлопчык 2011 года нараджэння гуляў у двары свайго дома. Знайшоў пустую каністру з-пад паліва. Цішком узяў запалкі, падпаліў адну і кінуў у каністру.

Верагодна ў ёмістасці былі пары паліва, яны і ўспыхнулі, можна сказаць, выбухнулі. У выніку хлопчык атрымаў апёкі першай і другой ступеняў на твары і шыі, тэрмаінгаляцыйную траўму –- унутраныя апёкі органаў дыхання. На шчасце, вочы засталіся цэлымі. Дзіця адразу ж было дастаўлена ў цэнтральную раённую бальніцу, а адтуль – у абласную. На дадзены момант там і знаходзіцца.

Аляксандр САДОЎСКІ,

інспектар групы прафілактыкі і навучання РАНС,

старшы лейтэнант унутранай службы.