Не прожигай свою жизнь!
Шэраг прафілактычных мерапрыемстваў адбыўся ў рамках другога этапу рэспубліканскай акцыі “Не спальвай сваё жыцце”. Прадстаўнікі раённага аддзела па надзвычайных сітуацыях наведалі працоўныя калектывы УЗ “Лепельская ЦРБ”, філіял “Лепельскі хлебазавод” ААТ “Віцебскхлебпрам”, а таксама сталовую малочнакансервавага камбіната. Асаблівую ўвагу агняборцы звярнулі на пажары па прычыне курэння. Сёлета па прычыне непатушанай цыгарэты ў раёне загінулі два чалавекі. Работнікі МНС сумесна з юнымі выратавальнікамі-пажарнымі гімназіі імя Ерашова ў сталовай МКК таксама распавялі пра небяспеку курэння ў ложку і ўручылі прысутным тэматычную прадукцыю.
