Новую цікавую экскурсію прапаноўваюць турыстам супрацоўнікі Бярэзінскага біясфернага запаведніка

Новую цікавую экскурсію прапаноўваюць турыстам супрацоўнікі Бярэзінскага біясфернага запаведніка на станцыю фонавага маніторынгу. Наведвальнікі на свае вочы ўбачаць, як вызначаецца прагноз надвор’я, якім чынам праводзяць маніторынг забруджвання навакольнага асяроддзя. Зацікаўленых слухачоў пазнаёмяць з арганізацыяй працы ўстановы, задачамі, відамі дзейнасці, складам станцыі, прадэманструюць работу тэхнічных сродкаў, якія выкарыстоўваюцца для гідраметэаралагічных даследаванняў.