Пахаладанне — часовае

Паводле паведамлення метэастанцыі, снегапад, які назіраўся на мінулых выхадных, абумоўлены праходам франтальных раздзелаў з захаду. Вышыня снегавога покрыва ў горадзе дасягнула васьмі сантыметраў, па раёне месцамі да дзесяці, што ўдвая больш, чым належыць у канцы лістапада. За суткі выпала дзесяць міліметраў ападкаў, што складае палову дэкаднай нормы.

Аднак снегапад і пахаладанне не гарантуюць, што снегавое покрыва будзе ўстойлівым. Наадварот, у бліжэйшыя дні прагназуецца пацяпленне да +3…+5оС. Уздзеянне перападаў надвор’я на пасевы азімых культур пакуль што вызначыць цяжка, спецыялісты будуць весці назіранні.