Поздравление с Днём женщин от руководства района

Нашы дарагія жанчыны!

Шчыра віншуем вас з цудоўным святам — Днём жанчын! Гэты дзень заўсёды асацыіруецца з вясной і сонцам, новымі надзеямі і выдатным настроем. Немагчыма ўявіць свет без жанчын. Ва ўсе часы яны ўвасаблялі сабой крыніцу натхнення, пачатак усіх пачаткаў. Іх энергія, унутраная сіла, актыўная жыццёвая пазіцыя нясуць у сабе дабрыню, згоду і любоў.

На плячах жанчын — і адказнасць за выхаванне дзяцей, і штодзённыя клопаты пра добраўпарадкаванне хатняга ачага. Пры гэтым жанчыны знаходзяць сілы рупліва працаваць на карысць грамадства. Іх веды, талент і велізарная працавітасць даюць бліскучыя вынікі ў розных галінах.

Прыміце ж сардэчную падзяку за актыўны ўдзел у жыцці сваёй малой радзімы — роднай Лепельшчыны! Мы бязмежна ўдзячныя за вашы вытрымку, разуменне і падтрымку, за годнае выхаванне дзяцей, цяпло хатняга ачага, за тое, што ўмееце зрабіць свет больш добрым і высакародным, знайсці патрэбныя словы і падтрымаць у цяжкую хвіліну.

Жадаем вам моцнага здароўя, дабрыні і пастаяннай увагі блізкіх! Няхай вам ва ўсім спадарожнічаюць толькі ўдача і поспех! Будзьце заўсёды шчаслівыя і каханыя!

Раённы выканаўчы камітэт. Раённы Савет дэпутатаў.