Пожар на зерносушилке
П22 жніўня каля 23 гадзін ад аператара збожжасушыльнага комплексу ў службу выратавання паступіла паведамленне аб пажары падлогавай збожжасушылкі ў аграгарадку Слабада Лепельскага раёна.
Выратавальнікі, якія прыбылі на месца выкліку, убачылі адкрытае гарэнне даху пабудовы і гарэнне збожжа ў ніжняй частцы падлогавай сушылкі. Калі пачаўся пажар, на тэрыторыі комплексу знаходзілася трое рабочых, ніхто не пацярпеў. Агнём пашкоджаны дах і тры тоны збожжа, выратавана 19 тон збожжавых.
З абставін праверкі, якая праводзілася па гэтым факце, стала вядома, што падлогавая сушылка належыць сельскагаспадарчаму прадпрыемству “Пражэктар-агра”, тэрыторыя комплексу не агароджана.
Па гэтым факце праводзіцца праверка. Прычына пажару ўстанаўліваецца. Версія, якая разглядаецца, — парушэнне тэхналогіі працэсу сушкі.