С начала года в Лепельском районе зарегистрированы три случая бешенства
З пачатку года ў раёне зарэгістраваны тры выпадкі захворвання на шаленства. Першы быў зафіксаваны ў лютым, хворы янотападобны сабака быў заўважаны ў ваколлі вёскі Паддуб’е. Другі выпадак адбыўся пасля працяглага перапынку, у кастрычніку, калі хворая лісіца забегла ў вёску Дзяньгубы. У пачатку лістапада трывожны сігнал паступіў з вёскі Залессе, што ля Матырына, людзі заўважылі лісіцу. Паляўнічыя яе застрэлілі, аналізы паказалі, што жывёла была хворая. Аб усіх выпадках вяскоўцы паведамілі своечасова, таму заражэння хатніх жывёл, людзей не адбылося.