Сучасныя тэхналогіі ў дзейнасці тэрыторый

На базе ДПУ “Бярэзінскі біясферны запаведнік” адбыўся рабочы семінар супрацоўнікаў навуковых аддзелаў запаведніка і Нацыянальнага парку “Нарачанскі” на тэму “Сучасныя тэхналогіі ў дзейнасці тэрыторый, якія асабліва ахоўваюцца: геаінфармацыйныя сістэмы — вынікі і вопыт работы”. Абмеркавалі выкананне мерапрыемстваў Саюзнай дзяржавы аб распрацоўцы эксперыментальнай геаінфармацыйнай сістэмы спадарожнікавага маніторынгу балот з мэтай іх аховы і ўзнаўлення ва ўмовах інтэнсіўнага антрапагеннага ўздзеяння, іншыя актуальныя праблемы прыродаахоўнай дзейнасці. Удзельнікі семінара азнаёміліся з навуковым абсталяваннем, праграмным забеспячэннем, узроўнем кваліфікацыі спецыялістаў, наведалі аб’екты экалагічнай асветы і турызму на цэнтральнай сядзібе запаведніка.