Тое, што смех справа сур’ёзная, лішні раз даказала каманда КВЗ Бароўскай школы, што на Лепельшчыне, “Стомленыя школай”

Тое, што смех справа сур’ёзная, лішні раз даказала каманда КВЗ Бароўскай школы “Стомленыя школай”: Канстанцін Сарамбаеў (капітан), Антон Кавалёў, Якаў Ланікін, Ілья Рублеўскі, Алена Волкава, Анастасія Ошкіна, Дзіяна Ерыцян. Бароўскія веселуны пакарылі гледача на абласным этапе гульняў КВЗ “У будучыню — з усмешкай”, заваяваўшы другое месца сярод дванаццаці каманд-удзельнікаў. Бліскуча выканалі візітоўку, правялі размінку. На вышыні аказаліся і ў музычным фрыстайле — гульні па казцы “Бураціна”. Каманда, падрыхтаваная Марынай Паўлоўскай, запрошана на рэспубліканскі этап гульні. Прыз у намінацыі “Лепшы КВЗшнік” уручаны таксама Якаву Ланікіну.