Толькі лічбы
Плошча тэрыторыі Баброўскага сельсавета складае 17701 га, працягласць межаў — 109,2 км. Усяго ў сельсавеце пад сенакосам і пашаю заняты 175 гектараў, 205 гектараў — землі агульнага карыстання, 274 гектары — землі запасу. Для будаўніцтва і абслугоўвання жылых дамоў грамадзян выдзелена 133 гектары, для агародніцтва — пяць, а для сенакашэння — 20 гектараў.
Прыгажосць сваімі рукамі
Усяго ў гэтым годзе ў Баброўскім сельсавеце пасадзілі шэсць тысяч кветак, трыццаць дрэў і дваццаць кустоў, абуладкавалі сем грамадзянскіх могілак, адрамантавалі дзевяць прыпынкаў грамадскага транспарту, ачысцілі тры кіламетры ўзбочын дарог, узнавілі тры дзіцячыя пляцоўкі для гульняў, шэсць кіламетраў сетак вонкавага асвятлення, устанавілі дзве малыя архітэктурныя формы.
Формы і метады
Баброўскі сельвыканкам у сваёй працы выкарыстоўвае розныя формы і метады, каб прыахвоціць жыхароў сельсавета да працы па добраўпарадкаванні і паляпшэнні санітарнага стану населеных пунктаў. Гэта ў першую чаргу правядзенне сходаў грамадзян, рознага кшталту аб’явы, уручэнне асабіста ці адпраўку па пошце пісем і папярэджанняў. Сёлета ўручана 26 пісьмовых папярэджанняў грамадзянам і кіраўнікам прадпрыемстваў.
Віктар ЛЯШЧЫНА.