Трактарныя колы вернуты гаспадару
Жыхар Чашнікаў, дырэктар мясцовага прыватнага прадпрыемства, мае ў Зацякляссі дачу з гаражом. Амаль паўтара месяца не было гаспадара. За гэты час нехта скраў пяць колаў да трактара Т-25 у зборы коштам сем мільёнаў рублёў. Гараж не замыкаўся. Аднак жа даўно вядома, што спакуса, магчымасць украсці нараджае злодзея.
Крадзеж учыніў жыхар пасёлка Белаазёрны, 1988 года нараджэння, раней ужо судзімы за аналагічныя злачынствы. Украдзенае вернута гаспадару. Застаецца спадзявацца, што той зробіць правільныя высновы.