У рамках Дня горада Лепеля адбыліся спаборніцтвы па ралі-спрынту
У рамках Дня горада адбыліся спаборніцтвы па ралі-спрынту. На этапе Кубка Рэспублікі Беларусь выступілі 11 экіпажаў. Перамогу ў класе Б-12 атрымаў тандэм Андрэя Галабародзькі і Таццяны Цырфа на “Міцубішы Лансэр EVO X”. У класе Б-11 першымі да фінішу прыехалі Юрый Семянчук і Міхаіл Мельнічэнка на “Форд Фіеста”. “Хонда Цывік” Андрэя Грынкевіча і Данііла Алтуф’ева перамагла ў класе Б-10. Не абышлося без сходаў. На спецучастку паміж Валовай Гарой і Окана вылецеў “Сітраен С2” Мікалая Цымінскага і Андрэя Новікава.
