Выпівалі ў грамадскім месцы
З 28 жніўня па пятага верасня праводзіўся комплекс прафілактычных мерапрыемстваў па папярэджанні правапарушэнняў непаўналетніх, звязаных з ужываннем алкаголю, незаконным абаротам наркотыкаў. У час правядзення мерапрыемстваў была арганізавана штодзённая, з 17 гадзін да 1.00, работа рэйдавых груп па выяўленні правапарушэнняў непаўналетніх. Вялася работа па выяўленні фактаў рэалізацыі падлеткамі алкагольнай і слабаалкагольнай прадукцыі. Правяраліся таксама асобы, якія знаходзяцца на ўліку, наконт ужывання алкаголю, наркатычных, псіхатропных рэчываў. Былі таксама правераны клубы, дыскатэкі, інтэрнаты і іншыя месцы знаходжання непаўналетніх. Асаблівая ўвага ўдзялялася выяўленню злачынстваў і правапарушэнняў у сферы незаконнага абароту наркотыкаў, а таксама прадугледжаных антыалкагольным заканадаўствам. Ад імя Лепельскага РАУС былі падрыхтаваны хадайніцтвы ў аддзелы адукацыі, спорту і турызму райвыканкама, РАНС, ва ўстанову аховы здароўя “Лепельская ЦРБ” аб выдзяленні прадстаўнікоў і аўтатранспарту для ўдзелу ў рэйдавых мерапрыемствах.
У час правядзення прафілактычных мерапрыемстваў былі выяўлены два адміністрацыйныя правапарушэнні сярод непаўналетніх, якія ўжывалі алкагольныя напоі ў грамадскім месцы. Двое чалавек прыцягнуты да адміністрацыйнай адказнасці за невыкананне бацькоўскіх абавязкаў па выхаванні дзяцей. У двух выпадках бацькі панеслі адказнасць за невыкананне абавязкаў па суправаджэнні дзяцей ва ўзросце да шаснаццаці год пасля 23 гадзін.
Яўгенія СВІДЗІНСКАЯ,
часова выконвае абавязкі
начальніка Інспекцыі
па справах непаўналетніх РАУС.