Республиканская акция «Чистый лес» на Лепельщине

Традыцыйна да рэспубліканскай акцыі «Чысты лес» далучыліся слабадскія школьнікі разам з настаўнікамі. Хлопчыкі і дзяўчынкі сумесна з работнікамі Слабадскога лясніцтва займаліся ўборкай смецця ў лесапаласе паміж вёскамі Слабада, Рудня, Гадзіўля. Перад пачаткам акцыі кожнаму яе ўдзельніку ляснічы Дзмітрый Каротчык уручыў невялікі памятны падарунак.
У суботні дзень да добрай і патрэбнай справы далучылася самая маленькая ўдзельніца акцыі – другакласніца Міраслава са сваім дзядулем Уладзімірам Васілеўскім, які працуе лесніком. Поруч з бацькамі Дзмітрыем і Святланай Каротчыкамі працавала старэйшая дачка, пяцікласніца Вікторыя. А больш за ўсё смецця разам з мамай Таццянай, таксама работніцай лясніцтва, сабраў вучань 4 класа Арцём Дзямко.
Валерый Тухта,
краязнаўца