Уникальная выставка лепельского художника Леонида Мастинского в Центре ремесел
Яшчэ са старажытных часоў чалавек імкнуўся спасцігаць мастацтва. Хтосьці літаратурнае, музычнае, тэатральнае, іншыя — выяўленчае. Да апошняй катэгорыі адносіцца і наш герой.
Леанід Масцінскі — самадзейны мастак, напісаў каля 80 карцін. Працуе, можна сказаць, ва ўсіх жанрах, але перавагу аддае партрэтам і пейзажам. У цэнтры рамёстваў адбылося адкрыццё цікавай і пазнавальнай персанальнай выставы Леаніда Маркавіча пад назвай “Мастак — дзіўны чалавек”, якая прысвечана яго дзеду Сяргею.
Давялося пабываць на мерапрыемстве, разам з усімі прывітаць аўтара і сказаць яму шчырыя словы падзякі за падораны настрой. У гэты дзень прысутныя віншавалі мастака, жадалі яму творчага натхнення, жыццёвага аптымізму і моцнага здароўя. Таксама ад аддзела ідэалагічнай работы, культуры і па справах моладзі райвыканкама Леаніду Маркавічу была ўручана падзяка за актыўную творчую дзейнасць, уклад у захаванне культурнай спадчыны і мастацкага развіцця горада і раёна.
Наведаць выставу можна ў Цэнтры рамёстваў да 17 лістапада.
Больш падрабязны матэрыял чытайце ў бліжэйшым нумары газеты.