Забыліся ключы ад кватэры
У 3.10 ночы на пульт дзяжурнага РАНС паступіла трывожнае паведамленне. Бацькі, вяртаючыся дахаты з гасцей, заўважылі, што забыліся ключы ад кватэры. Праз акно залезці было немагчыма. Варыянт з выклікам слесара адпадаў, таму што ноччу яго знайсці неверагодна. Ды і час прыспешваў, дома знаходзілася малое дзіця.
Выратавальнікі акуратна адчынілі дзверы з дапамогай спецінструменту, балазе, былі яны драўляныя. Справу зрабілі так, што іх не пашкодзілі, будуць служыць спраўна яшчэ працяглы час.
А дзіця нават і не прачнулася.