29 гадоў працуе ў леспрамгасе Аляксандр Жарнасек. Апошнія дваццаць — вадзіцелем лесавоза. Кожны мог бачыць гэтыя магутныя машыны, якія вязуць распілаваную драўніну, а то і хлысты цалкам.

Аляксандр кожны дзень выязджае на сваім МАЗе з прадпрыемства на лясныя дзялянкі. Машыну навёў так, што працуе яна як гадзіннік, не дапускаючы збояў і паломак. Прыязджае ў лес, там маніпулятарам грузіць цэлыя хлысты і накіроўваецца ў зваротны шлях. Кожны дзень — да трох рэйсаў, у залежнасці ад аддаленасці. Да паўтары тысячы кубоў дзелавой драўніны прывозіць Аляксандр Жарнасек штомесяц.
Тэкст і фота В. МАТЫРКІ.