У Бярэзінскім біясферным запаведніку ўшаноўвалі снег
Цікава адзначылі ў запаведніку Міжнародны дзень снегу. Падрыхтавалі спецыяльную снежную горку, працавала выязная кухня, кіпеў самавар. Усе ахвотнікі маглі пачаставацца гарбатаю. На свяце было ўсё: палёты на мятле, экстрымальнае катанне на санках, хакейная эстафера, перацягванне канату, лыжныя гонкі, гульня ў снежкі. Народны хор “Беразіначка” не толькі праспяваў народныя песні, але і арганізаваў майстар-клас па нацыянальных танцах.
Уладзімір МІХНО.