Бойка бусла з залётнымі птушкамі

 У Горках дзве буслянкі, адна з іх, непадалёк ад школы, вельмі зацікавіла трэцякласнікаў. І яны тут жа распачалі назіранне. Узброіліся нават біноклем, ну ды і няўзброенаму воку бачна, што буслы – шчаслівыя. Праўда, шчасце гэтае не так даўно раптам азмрочылася. Знекуль прыляцелі залётныя птушкі і распачалі бойку. Дзеці з трывогаю распавялі настаўніцы пра скрываўленага бусла, які, па іх словах, абараняў ці то роднае гняздо, ці то бусліху.

Кажуць, буслы шчасце прыносяць. У доме, над якім тры гады таму пасяліліся птушкі, з таго ж самага часу жыве і маладая сям’я. У птушак, як і ў людзей, па трое дзяцей. Абедзве сям’і шчаслівыя.

 Віктар ЛЯШЧЫНА.