Дзеці бралі інтэрв’ю ў лепельскіх «афганцаў»
Старшакласнікі Новавалосавіцкай школы былі запрошаны ў раённы краязнаўчы музей на сустрэчу з воінамі-інтэрнацыяналістамі. Яны прынялі ўдзел у вечары памяці “Час выбраў нас”, прысвечаным гадавіне вываду войск з Афганістана і памяці воінаў, якія загінулі ў лакальных канфліктах. Слухалі расповед ветэранаў вайны ў Афганістане, бралі ў іх інтэрв’ю, паглядзелі канцэрт, з якім выступалі дзеці са школы мастацтваў.
