Набудуць новую тэхніку на Лепельшчыне
Аўтамабільны парк транспартнага ўчастка раённага спажывецкага таварыства складае пяцьдзясят чатыры адзінкі тэхнікі, з іх пяцьдзясят машын маркі ГАЗ, УАЗ, “Газелі”, ёсць тры трактары. Пакупнікоў абслугоўваюць сем аўтамагазінаў.
Пазалетась набылі аўтамагазін, летась — “Газель”, сёлета прадпрыемства набудзе яшчэ адзін аўтамагазін на базе МАЗа і аўтамабіль “Газель” з ізатэрмахаладзільнай устаноўкай.
