Пасланні лепельскіх дзяцей Дзеду Марозу

 У магазіне “Універмаг” арганізуецца сацыяльная акцыя “Зрабі дабро — стань Дзедам Марозам”. У яе рамках праводзіцца работа па зборы малюнкаў дзяцей дашкольнага і малодшага школьнага ўзросту — выхаванцаў сацыяльна-педагагічнага цэнтра з пасланнямі Дзеду Марозу. Атрыманыя дзіцячыя малюнкі размяшчаюцца на ёлцы ва “Універмагу”, які рэалізуе тавары дзіцячага асартыменту. Пасля гэтага любы пакупнік можа па сваім жаданні выбраць малюнак на ёлцы, набыць у гэтай жа гандлёвай кропцы падарунак для перадачы яго дзіцяці — аўтару малюнка.