Самагонны лепельскі раўчук аб’ёмам 511 літраў «асушаны»
На працягу красавіка былі выяўлены факты незаконнага вырабу і захоўвання самагону і самагоннай брагі ў населеных пунктах Слабадскога, Лепельскага, Бароўскага і Каменскага сельсаветаў. Канфіскаваны 511 літраў спіртнога, накладзена штафаў больш, як на мільён рублёў, вынесены два папярэдані.
Да адказнасці за продаж самагону прыцягнуты адзін чалавек, жыхар Бароўкі. Ён аштрафаваны на 360 тысяч рублёў, спіртное канфіскавана.
З пачатку года за распіццё спіртнога і знаходжанне ў стане алкагольнага ап’янення ў грамадскіх месцах былі дастаўлены ў РАУС 132 чалавекі.
