У вёсцы Катоўшчына Лепельскага раёна зафіксаваны наўмысны падпал травы

У вёсцы Катоўшчына зафіксаваны наўмысны падпал травы. Адзін з жыхароў падпаліў сухую леташнюю траву. Потым  з дапамогай аднавяскоўцаў гасіў полымя, якое разбушавалася, выйшла з-пад кантролю.

У гэты ж час ля Катоўшчыны праязджала рэйдавая група, у якой удзельнічалі супрацоўнікі пажарнай службы, спецыялісты раённай інспекцыі прыродных рэсурсаў і навакольнага асяроддзя. Яны таксама падключыліся да тушэння пажару. Вінаваты ў падпале травы аштрафаваны на дзесяць базавых велічынь.