“Метадам падбору ключа…”

У міліцыю звярнуўся жыхар Лепеля, 1968 года нараджэння, з заявай аб тым, што абакралі яго кладоўку, размешчаную ў падвале дома. Злодзей украў кансерваваныя прадукты харчавання і рыбалоўныя прылады на 1,5 мільёна рублёў.

Супрацоўнікі аддзялення крымінальнага вышуку РАУС высветлілі, што злодзей дзейнічаў “метадам падбору ключа”, як запісана ў міліцэйскім пратаколе. Яго выявілі хутка. Злачынцам аказаўся лепяльчанін 1988 года нараджэння, які нідзе не працуе. Украдзенае вернута.