“Супердзед” на Лепельшчыне
Зрэдку знаходзяцца неразумныя салдаты, якія пры гэтым лічаць сябе лепшымі, больш годнымі за сваіх саслужыўцаў. Адзін такі стаў наводзіць свае “парадкі” ў падраздзяленні 19-й асобнай механізаванай брыгады, што дыслакуецца ў Заслонаве. Пад пагрозай прымянення сілы, а часта і з прымяненнем ён адбіраў у саслужыўцаў грошы, прадукты харчавання. Пры гэтым так запалохваў, што ахвяры не адважваліся скардзіцца афіцэрам. Аднак колькі нітачцы ні цягнуцца…
Арыштавалі “супердзеда” літаральна за дзень да звальнення ў запас.
