Клопат «Нашчадкаў»

Яшчэ адным безыменным пахаваннем часоў Вялікай Айчыннай вайны стала меней. Удзельнікі краязнаўчага гуртка “Нашчадкі” са Слабадской школы наведалі грамадзянскія могілкі ў вёсцы Свядзіца. Раней яны даведаліся ад мясцовых жыхароў дакладнае месца пахавання пяці партызан, якія загінулі, трапіўшы ў засаду.
Магілы практычна не было. Дзеці зрабілі надмагілле, устанавілі металічны крыж і прыкруцілі таблічку з прозвішчамі загінулых, якая загадзя была зроблена Слабадскім сельвыканкамам. Акультурылі і прылеглую тэрыторыю.
Уладзімір МІХНО.
На здымку: гурток “Нашчадкі” аднаўляе магілу партызан у Свядзіцы.