Эффективная звено обратной связи

Ігар Генадзьевіч у сваім выступленні адзначыў, што наша краіна вядомая як надзейны партнёр у вобласці міжнародных адносін. У 2020 годзе Беларусь умацавала свае пазіцыі ў рэйтынгу індэкса дасягнення глабальных Мэтаў устойлівага развіцця, узняўшыся з 23-га на 18-е месца сярод 166 краін.
Кожнае дасягненне рэспуб­лікі на міжнароднай арэне — крок па ўмацаванні нашага суверэнітэту і незалежнасці. І гэты крок мы робім разам, умацоўваючы свой імідж, ствараючы і развіваючы брэнды, вядомыя за мяжой.
Прамысловасць
Так, напрыклад, «Беларуськалій» — флагман сусветнай калійнай прамысловасці. У цяперашні час у краіне выяўлена і разведана амаль 5 тысяч радовішчаў, якія прадстаўляюць каля 30 відаў мінеральнай сыравіны. Стратэгічна важнымі рэсурсамі з пункту гледжання эканомікі рэспублікі з’яўляюцца калійныя і каменныя солі, нафта, торф, будаўнічыя матэрыялы і сыравіна для іх вытворчасці, падземныя прэсныя і мінеральныя воды.
Калійныя солі лічацца найбольш каштоўным карысным выкапнем нетраў Беларусі. Па іх прамысловых запасах краіна знаходзіцца на адным з першых месцаў у Еўропе і свеце.
… у раёне
У нашай краіне вырабляюцца смачныя малочныя прадукты. Так, напрыклад, філіял «Лепельскі МКК» ААТ «Віцебскі мясакамбінат» вядомы далёка за межамі рэспублікі.
Супрацоўнікі прадпрыемства старанна сочаць за кожным этапам прыёмкі сыравіны і вытворчасці. Закрыты цыкл працы абсталявання дае магчымасць мінімізаваць удзел чалавека ў выпуску малочнай прадукцыі. Вытворчыя комплексы аснашчаны сучасным еўрапейскім абсталяваннем. Аўтаматызацыя працэсу дазваляе падтрымліваць высокую якасць і вялікі аб’ём паставак, а тэхналагічнасць абсталявання — захаваць карысныя ўласцівас­ці малака.

Развіццё высокіх тэхналогій
Беларуская IT-галіна ўжо не першы год з’яўляецца нашым нацыянальным гонарам і ўзорам для развіцця высокіх тэхналогій ва Усходняй Еўропе і СНД.
У 2019 годзе экспарт беларускіх камп’ютарных паслуг склаў 2,1 млрд долараў ЗША. У кампаніях-рэзідэнтах Парку працуе 63 тысячы чалавек. Дзесяць беларускіх IT-кампаній уключаны ў спіс Software 500 (рэйтынг найбуйнейшых сусветных пастаўшчыкоў праграмнага забеспячэння і паслуг). Пяць з дзесяці найбуйнейшых сусветных карпарацый (згодна з рэйтынгам Forbes) з’яўляюцца заказчыкамі Парку высокіх тэхналогій. А самым вядомым у IТ-сферы распрацоўкам з беларускімі каранямі і рэкламы не патрабуецца, яны паўсюдна карыстаюцца папулярнасцю і ўжо паспелі стаць сапраўднымі брэндамі: мабільны месенджар Viber, дадатак MSQRD, камп’ютарная гульня World of Tanks.
Медыцына
Закранулі і тэму медыцыны. Так, Лепельская ЦРБ за 2018 год прызнана лепшай у вобласці, а Заслонаўская амбулаторыя ўрача агульнай практыкі — пераможцам рэспубліканскага агляду якасці і культуры медыцынскага абслугоўвання насельніцтва сярод урачэбных амбулаторый за 2019 год і ўзнагароджана дыпломам 3 ступені як лепшая ўрачэбная амбулаторыя.
За апошнія гады ў Лепельскай ЦРБ праведзена мадэрнізацыя цеплапунктаў, рэнтген-кабінета з устаноўкай новага рэнтгена-дыягнастычнага апарата «Уніэксперт 3+», кабінета УГД з устаноўкай новага УГД-апарата. Таксама набыты апарат для зменнай кампрэсійнай тэрапіі lympha-mat 300 GRADIENT і шмат чаго іншага. Праведзена вялікая праца, якая не спыняецца і цяпер, каб прадастаўленне паслуг аховы здароўя было якасным.

Пра калектыў
На заканчэнне размовы Ігар Генадзьевіч таксама адзначыў, што ад працы райветстанцыі шмат у чым залежыць яка­с­ць прадукцыі, бо каманда сапраўдных прафесіяналаў уносіць адчувальны ўклад у харчовую бяспеку рэгіёна.
Сёння ў штаце — спецыяліс­ты, адданыя сваёй справе. Яны паспяхова вядуць барацьбу з захворваннямі жывёл, распрацоўваюць сістэму прафілактычных мерапрыемстваў і зай­маюцца іх рэалізацыяй. На іх апецы — пагалоўе сельскагаспадарчых прадпрыемстваў рэгіёна. Яны заўсёды на перадавой і абавязаны не дапусціць распаўсюджвання вострых інфекцыйных захворванняў, агульных для чалавека і жывёл, а ў выпадку іх узнікнення — быць гатовымі ўсе сілы кінуць на іх ліквідацыю.
Стабільная эпізаатычная абстаноўка — гэта дабрабыт насельніцтва, зладжаная праца сельскагаспадарчых арганізацый, здаровае пагалоўе і якасная жывёлагадоўчая прадукцыя.
* * *
Работнікі райветстанцыі, у сваю чаргу, мелі магчы­масць задаць пытанні старшыні раённага Савета дэпутатаў і атрымаць на іх кампетэнтныя адказы. Сустрэчы прадстаўнікоў мясцовай улады будуць праводзіцца і надалей.