Из Минска — в Каменскую библиотеку-музей
З чаго пачынаецца любоў да сваёй Радзімы, да родных мясцін? З самага малога – з ведання сваіх каранёў, вытокаў свайго быцця, з захавання спадчыны, што засталася нам, нашчадкам, ад шматлікіх пакаленняў, якія калісьці жылі на гэтай зямлі. Вялікая роля ў гэтым належыць бібліятэкам-музеям, якія адлюстроўваюць непарыўную сувязь пакаленняў. Адна з іх — Каменская сельская бібліятэка, якая ў 2003 годзе да стагоддзя з дня нараджэння знакамітага паэта-земляка была пераўтворана ў бібліятэку-музей Тодара Кляшторнага- беларускага Ясеніна.
Каменскую бібліятэку-музей наведали студэнты 4 курса філалагічнага факультэта Беларускага дзяржаўнага ўніверсітэта. Для напісання рэфератаў яны выбралі гэтую ўстанову, каб далучыцца да жыццёвай і літаратурнай спадчыны знакамітага паэта-земляка Тодара Кляшторнага. Студэнтам была праведзена тэматычная экскурсія па музеі “Я сэрца пакідаю Вам…” Госці пазнаёміліся з экспазіцыей, якая ўключае матэрыялы аб жыцці і творчасці паэта-земляка: фотаздымкі, дакументы, успаміны пра яго, архіўныя дакументы, са створаным фондам выданых твораў паэта. Таксама была прапанавана і віртуальная экскурсія па бібліятэцы-музеі “Я тут душою заміраў і жыў”.
Госці засталіся задаволеныя сустрэчай. Мы спадзяёмся, што яны таксама стануць прыхільнікамі творчасці паэта-земляка Тодара Кляшторнага.
З дня адкрыцця музея мінула болш за пятнадцаць гадоў. І сёння можна з упэўненасцю сказаць, што ён напоўнены творчым жыццём і застаецца запатрабаваным.
Ірына Маляўка, метадыст аддзела
бібліятэчнага маркетынгу цэнтральнай бібліятэкі.