Ляціць бы на крылах цягнік з Лепеля, а за вокнамі бярозкі ў белых сукенках водзяць карагоды

Чыгуначны транспарт па-ранейшаму запатрабаваны і шырока выкарыстоўваецца пасажырамі. Аб гэтым сведчыць тое, што летась толькі на станцыі “Лепель” было куплена 18160 білетаў на прыгарадныя цягнікі, што на 1380 білетаў меней, чым было ў папярэднім годзе. Гэта перш за ўсё адбылося па прычыне значнага павелічэння кошту білетаў на прыгарадныя маршруты. Выручка ад продажу білетаў у мінулым годзе склала 126 мільёнаў рублёў, што на 41 мільён рублёў больш, чым было атрымана за 2013 год.