Лядовая міні-арэна ФАЦ запрашае аматараў здаровага ладу жыцця
Дыхтоўны каток заліты каля ўваходу ў раённы фізкультурна-аздараўленчы цэнтр. Лядовая міні-арэна прыме ўсіх, хто трывала стаіць на каньках, з 13 да 21 гадзін. Калі ў кагосьці няма спартыўнага рыштунку, яго можна ўзяць напракат. Дарэчы, верхнюю вопратку, каб не замінала ў час катання па лёдзе, можна зняць і размясціць на шырокай пераноснай вешалцы.
Адразу за катком — хакейная пляцоўка. Уражвае добрае абуладкаванне лёдавай паверхні, наяўнасць прыгожых драўляных бартоў, дакладная разметка хакейнага поля.
