Шпіталізаваны з апёкамі на Лепельшчыне
У Стараселлі жыве жанчына пенсійнага ўзросту, адзінокая. Неяк да яе ў госці зайшоў знаёмы. Яны выпілі спіртнога. Якраз пад гэты час вытапілася печ. Жанчына па прывычцы ссыпала жар у металічнае вядро і вынесла яго ў сенцы.
Праз некаторы час звярнулі ўвагу, што пацягнула дымком. Выглянулі ў сенцы, а там ваўсю палаў агонь, так што выйсці не было магчымасці, давялося выскокваць праз вакно.
Пажарныя разлікі затушылі загаранне, аднак “чырвоны певень” паспеў нарабіць бяды, у доме знішчаны дах, моцна пашкоджана столь, абгарэлі сцены, цалкам згарэлі сенцы. Мужчыну шпіталізавалі ў бальніцу з апёкамі першай і другой ступеняў.
Аляксандр САДОЎСКІ,
інспектар прапаганды і навучання РАНС,
старшы лейтэнант унутранай службы.