За один вечер — два подвала
“Дзве кладоўкі за адзін вечар “абнёс” невядомы зладзюжка!” — узрушана прамаўлялі жыхары пяціпавярховага дома побач з універсамам. Звычайна жыхары кватэр, заклаўшы ўвосень запасы, рэдка ў далейшым спускаюцца ў свае скляпенні. Хіба што раз на тыдзень, а то і радзей, каб дастаць бульбачкі, гародніны, салатаў або варэння. Пры гэтым кожны ведае, дзе кладоўкі суседзяў і звяртае ўвагу, калі заўважыць штосьці падазронае. Так адбылося і ў гэты раз. Сусед спусціўся ў скляпенне і заўважыў, што замок з дзвярэй суседскай кладоўкі збіты. А побач — яшчэ такі ж малюнак.
Міліцыянеры хутка напалі на след злачынцы. Ім аказаўся лепяльчанін, жыхар суседняй вуліцы. Што адметна, ён ужо неаднойчы меў канфлікты з законам, за што адбываў пакаранні ў месцах пазбаўлення волі, быў судзімы за крадзяжы.
“У мяне няма праблем з алкаголем, я з ім сябрую”, — любіць прыгаворваць мужчына. Не дзіўна, што такое “сяброўства” прыводзіла чалавека ў лячэбна-працоўны прафілакторый. І нават вярнуўшыся з ЛПП лепяльчанін зноў з галавой кідаўся ў алкагольны дурман.
Вось і цяпер, пасля чарговай выпіўкі, яму захацелася закусіць. Але ж няма дома ні крошкі, як кажуць у такіх сітуацыях, у лядоўні мыш павесілася з голаду. Таму і палез у чужое скляпенне. Замок навясны сарваў металічным прутом, дзейнічаў ім як манціроўкай.
Узбуджана крымінальная справа, праводзяцца следчыя дзеянні, частка ўкрадзенага вернута ўладальнікам.
Сяргей БУЛАЙ,
намеснік начальніка РАСК,
падпалкоўнік юстыцыі.