Зіхоткія былі завушніцы і каштавалі тыя дзве пары ўпрыгажэнняў жаночых каля трох мільёнаў, а потым зніклі з кватэры

 У РАУС паступіла заява ад памочніка выхавацеля Бароўскага дзіцячага сада. У ёй паведамлялася, што пры нявысветленых абставінах з кватэры прапалі дзве пары залатых завушніц на 2,7 мільёна рублёў. Супрацоўнікі АКВ РАУС прыйшлі да высновы, што гэта – справа рук жыхаркі Оршы, 1995 года нараджэння, навучэнкі Аршанскага медыцынскага каледжа.