Зладжаны канвеер
На фота злева направа Валянціна Ралькевіч, Наталля Марковіч і Людміла Пруская — аператары па доглядзе за свінапагалоўем на свінакомплексе ў вёсцы Дражна ЗАТ “Віцебскаграпрадукт”. Спачатку Наталля Аляксандраўна прымае парасят, гадуе іх да двух месяцаў — адзін з самых адказных перыядаў, калі арганізм жывёлы яшчэ не ўмацаваўся. З двух да чатырох месяцаў парасятамі займаецца Валянціна Васільеўна, а потым на дарошчванне перадае іх Людміле Васільеўне. Вось такім своеасаблівым, зладжаным канвеерам працуюць жанчыны. У іх групах высокія прывагі. Дзякуючы сваёй працы яны заслужылі высокае званне перадавікоў вытворчасці, за што і адзначаны на раённым свяце працаўнікоў вёскі.
Тэкст і фота
В. МАТЫРКІ.
